Fréttir

18.07.2017

1596

Lilja langvía

Ferðamenn af skemmtiferðaskipi frá Ocean Diamond björguðu litlum langvíuunga í gær og komu með hann til okkar í Sæheimum. Voru þau við Ystaklett í litlum slöngubát og komu auga á ungann þar sem hann veltist um í briminu við klettinn. Náði leiðsögumaður þeirra að teygja sig eftir unganum. Unginn var fljótur að jafna sig eftir volkið. Ung stúlka sem stödd var á safninu gaf unganum nafnið Lilja. Hún étur orðið ágætlega og hleypur um gólfið á skrifstofunni en finnst samt allra best þegar einhver nennir að halda á henni.

Langvíuunginn Lilli sem búinn er að vera á safninu í nokkra daga, þykist eiga skrifstofuna skuldlausa og ræðst á Lilju með frekju. Einnig ræðst hann á lundana okkar, sem hlaupa undan honum þó þeir séu miklu stærri. 


Til baka