Fréttir

Brúðöndinni sleppt

14.12.2013

 Brúðöndin sem fannst um mánaðarmótin í garði á Heimaey hefur verið í góðu yfirlæti í Sæheimum - Fiskasafni. Hún var slöpp og horuð við komuna á safnið og örugglega aðframkomin eftir hið langa ferðalag frá Bandaríkjunum. 

Brúðönd

04.12.2013

 Nýverið var komin með á safnið  sjaldséðan fugl.  Um var að ræða brúðönd (Aix sponsa), sem er algengur fugl í skóglendi við vötn í austanverðri Norður Ameríku og kallast þar Wood duck. Tegundin er afar sjaldséð á Íslandi og er þetta sjötta skráða brúðöndin á landinu og fyrsti kvenfuglinn af tegundinni sem vitað er um.

 

Fyrsta lundapysjan

09.09.2013

Þann 5. september kom fyrsta lundapysjan í hús í Pysjueftirlitið. Var hún vel á sig komin, 273 gr að þyngd og vænglengd 140 mm. Þess má geta að þetta er nokkuð seinna en í fyrra en á sama tíma fyrir ári voru komnar 140 pysju.

Hrognkelsi og marhnútur

05.03.2013

 Kafarar frá köfunarþjónustinni færðu safninu hrognkelsi og marhnút sem þeir fundu við vinnu sína, en þeir vinna nú við viðgerð á Herjólfsbryggjunni.

Hremmingar nornakrabba

01.03.2013

Í fyrradag birtum við frétt af nornakrabba í skelskiptum. Þetta ferli tekur mikla orku frá krabbanum og ekki er óalgengt að þeir drepist meðan á því stendur. Krabbinn okkar lifði skiptin af en meðan á þeim stóð varð fyrir árásum annarra nornakrabba og sæfíflanna sem eru í sama búri. Náðu þeir að slíta af honum nokkra fætur. Alla jafna bítur það ekki á krabbana að lenda í sæfíflunum því að skelin ver þá fyri árásum þeirra. En eftir skelskipti þegar þeir eru enn mjúkir verða þeir greinilega auðveld bráð.
 

Skelskipti nornakrabba kvikmynduð

27.02.2013

Einn af nornakröbbunum á safninu var greinilega komin í skelskipti í gærmorgun þegar starfsmaður safnsins mætti í vinnu. Hringt var í Gískla Óskarsson kvikmyndatökumann og honum boðið að taka myndir af ferlinu. Hann þáði það með þökkum en líklega vissi hann ekki þá að það tæki næstum sólarhring. Hann náði frábærum myndum af skelskiptunum og munum við birta myndband af ferlinu hér á heimasíðunni (talsvert stytt :-)
Líklega er þetta eina myndbandið sem hefur náðst af skelskiptum nornakrabba.

Töskukrabbi

12.02.2013

Kafarar frá Köfunarþjónustunni færðu safninu lifandi töskukrabba (Canser pagurus), sem þeir fundu við vinnu sína við Herjólfsbryggju. Krabbinn var í góðu ástandi enda að koma af litlu dýpi og ekki búinn að velkjast í veiðarfærum.
Krabbinn fékk frekar óblíðar viðtökur á Fiskasafninu en á myndinni hér fyrir neðan má sjá leturhumar ráðast á hann og var krabbinn snöggur að flýja þegar hann fékk að kenna á klóm humarsins.
Einn töskukrabbi er til uppsettur á safninu sem færður var safninu á upphafsárum þess.

40 ár frá upphafi eldgossins á Heimaey

26.01.2013

 Krakkar í 10. bekk Grunnskóla Vestmannaeyja komu í heimsókn á safnið þann 23. janúar en þá voru liðin 40 ár frá upphafi eldgossins á Heimaey. Þeim voru sýndar myndir sem Sigmar Pálmason tók meðan gosið stóð yfir 1973. Ragnar Baldvinsson slökkviliðsstjóri sagði þeim frá starfsemi slökkviliðsins meðan á gosinu stóð allt frá því að þeir óku um bæinn fyrstu nóttina með sírenurnar í gangi til að vekja íbúana. Hann sagði þeim frá slökkvistarfi þegar allt að 17 hús brunnu á einni nóttu, björgunarstarfinu, hættunni sem hlaust af völdum gassins, sjókælingunni á hrauninu og hvernig það var að vera hér við þessar erfi'ðu aðstæður. Krakkarnir hlustuðu með athygli á og hafa örugglega mörg séð þetta tímabil í nýju ljósi.

Fuglablik

06.11.2012

Sýningin Fuglablik í Sæheimum - Fiskasafni verður opin fram til 1. febrúar. Um er að ræða 33 ljósmyndir af íslenskum fuglum frá félögum í Fuglaverndarfélagi Íslands. Auk þeirra eru til sýnis 6 ljósmyndir frá Hjálmari Bárðarsyni sem hann tók á 6x6 cm filmu. Sýningin er sett upp til minngar um Hjálmar, sem var ötull ljósmyndari og gaf út fyrstu stóru fuglabókina á Íslandi og auk hennar fjölda bóka um íslenska náttúru.
 
Hægt er að kaupa ljósmyndir á sýningunni með því að hafa samband við Fuglaverndarfélag Íslands eða hafa samband við einstaka ljósmyndara.
 
 

Safnahelgi

31.10.2012

Um Safnahelgina verða fuglar í fyrirrúmi í Sæheimum - Fiskasafni. Í samstarfi við Fuglavernd verður ljósmyndasýningin Fuglablik opnuð í Steinasalnum og fuglaljósmyndir frá Jóhanni Óla HIlmarssyni verða á skjánum í Fiskasalnum. Sýningin opnar föstudaginn 2. nóvember kl. 20:30.
 
 
 

komnar 1500 pysjur

15.09.2012

Nú er búið að vigta og vængmæla yfir 1500 pysjur í pysjueftirlitinu.

Heimsmet í pysjuvigtun ?

13.09.2012

Í gær, þann 12 september voru vigtaðar 251 pysja í Sæheimum -Fiskasafni. Hugsanlega er þarna um heimsmet í pysjuvigtun að ræða.

Tregadúfa

13.09.2012

Fyrir nokkrum dögum fannst tregadúfa (Zenaida macroura)  í Vestmannaeyjum. Heimkynni tegundarinnar er í Norður- og Mið Ameríku. Þar er hún mjög algeng og kallast Mourning dove, en nafnið er tilkomið vegna þess að söngur karlfuglsins er angurvær og tregafullur. Líklegt má telja að fuglinn hafi borist hingað með sterkum vindum. Tregadúfa er mjög sjaldgæf í Evrópu og hefur aðeins einu sinni fundist áður á Íslandi en það var í Vestmannaeyjum í október 1996.
 

Pysjutíminn hafinn

31.08.2012

Föstudaginn 24. ágúst var komið með fystu pysju sumarsins í Pysjueftirlit Sæheima - Fiskasafns. Pysjan vóg 242 grömm og vænglengdin var 147 mm. Núna viku síðar eru komnar 26 pysjur til viðbótar. Eru þetta jafn margar pysjur og skiluðu sé í Pyjueftirlitð allt tímabilið í fyrra, enda var varpárangur lundans mjög slakur þá.
Þeir sem hafa fylgst með varpárangri lundans í ár segja  ástandið sé mun betra núna, þó að það sé langt frá því að vera gott,

Rituungar í vandræðum

02.08.2012

Á hverju sumri er komið með nokkurn fjölda fugla á safnið sem lent hafa í hrakningum. Mest eu þetta ungar sem eru einir og yfirgefnir á vappi oft mjög hungraðir og horaðir eða sem bjargað er frá köttum í veiðihug. Á safninu fá ungarnir nóg að éta og er þeim sleppt út í náttúruna þegar þeir virðast nógu hressir til að bjarga sér upp á eigin spítur.

Tveir tröllakrabbar

30.05.2012

Nýlega fékk safnið að gjöf tvo lifandi tröllakrabba.

Nýtt útlit og sumaropnun

16.05.2012

Nýlega var sett ný merking utan á húsið meðvörumerki (logo) Sæheima - Fiskasafns.

Safnið hlýtur tvo styrki frá Menningarráði Suðurlands

10.05.2012

Sæheimar - Fiskasafn hlaut nýverið tvo styrki frá Menningarráði Suðurlands. Örn Hilmisson starfsmaður safnsins tók á móti styrkjunum fyrir hönd safnsins á úthlutunarhátíð ráðsins þann 6. maí. 

Fundu hnísu í Skansfjöru

17.04.2012

Þau Bjarki, Andri, Svava, Maríanna, Hafdís, og Heiða voru að vaða og leika sér í Skansfjörunni í góða veðrinu s.l. föstudag. Fundu þau þá dauða hnísu í fjörunni og létu vita af fundinum á Fiskasafninu. Krakkarnir fá bestu þakkir fyrir það og líklega verður beinagrindin sett upp á safninu.
Hnísan er minnsti tannhvalurinn við Ísland og er algeng. Karldýrið er tæpir tveir metrar á lengd og um 70 kg á þyngd. Kvendýrin eru nokkuð minni. Líklega er hnísan sem krakkarnir fundu ekki fullvaxin því hún var aðeins um 110-120 cm á lengd.

Lifandi loðna á Fiskasafninu

23.02.2012

Í gær kom áhöfnin á Álsey VE færandi hendi þegar þeir komu með um 300 lifandi loðnur á Fiskasafnið. Loðnunum var komið fyrir í þremur af búrum safnsins og eru þær greinilega aðeins kvekktar yfir vistaskiptunum því að þær synda í þéttum hópum og halda sig niður við botn. Þær vita greinilega ekki að félagar þeirra úr torfunni eru í enn verri málum, enda eru þeir líklega þegar komnir í bræðslu.
Í búrunum eru fyrir þorskur, ýsa kolar og sandhverfa og hafa þau látið sér fátt um finnast um nýju gestina og reyna ekki að éta þá, enda ekki vön að fæðan hreyfist mikið heldur fá hana í bitum og jafnvel á priki.