News

21.08.2017

1604

Komnar sjö pysjur

Nú er búið að koma með sjö lundapysjur í pysjueftirlit Sæheima. Pysjutímabilið hefur farið rólega af stað en fjörið er rétt að byrja og um að gera að kíkja eftir pysjum.

Miðað við nýjustu upplýsingar frá fræðingunum á Náttúrustofu Suðurlands er ýmislegt sem bendir til að þetta verði hið ágætasta pysjutímabil og vonumst við til að þeir verði sannspáir.

Á myndinni er Hilmar Gauti Garðarsson með pysjuna sína sem fannst á Brimhólabraut. Hún var mjög flott og vóg 310 grömm, sem er vel yfir meðalþyngd lundapysja. Hinar pysjurnar hafa verið talsvert léttari en oftast eru fyrstu pysjur tímabilsins í léttari kantinum.


Back